المعادلة الأسترالية

هذا الموضوع عن الهجرة كطبيب إلى أستراليامصدر هذه المعلومات من الأنترنت

اولا : لماذا استراليا :
لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء , وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.
ثانيا : التسجيل :

هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه , طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين

نظري (mcq ) وعملي

, كيف يتم التسجيل هذا هو الي اشرحه لكم حتي لا توجد اخطاء وتاخير .


اول حاجه تروح للموقع بتاعهم وهو www.amc.org.au بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي , طيب ازاي تعمل ماستر كارد او فيزا كارد . لو رحت لاي بنك في مصر يقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما وديه ب12 جنيه وبعد كده ضع فب المبلغ اللي يناسبك, و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف , وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط . بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,
بعد كده هاتروح للصفحه التاليه وهي بتاعت اثبات الشخصيه الخاص بك , وبسبب اخوانا الهنود اللي بيقدموا شهادات مزوره , استراليا عامله شروط علشان تتاكد من شخصيتك مطابقه للي موجود في الشهاده ولا لا وهي كالاتي , عامله خمسه فئات , الفئه الاولي 70 نقطه , الفئه الثانيه 70 نقطه , الفئه الثالثه 40 نقطه ,الفئه الخامسه 25 نقطه , سيادتك مفروض يكون عندك اكثر من 100 نقطه , ازاي , فكر.

الفئه الاولي ب 70 نقطه وهي يكون معاك تسجيل طبي من اي ولايه استراليه . حضرتك طبعا مش معاك , روح للفئه التانيه وهي ب70 نقطه ايضا وهي و يكون معاك جواز سفر او شهاده ميلاد بالانجليزي , طبعا انا اخترت جواز السفر ليه و لانهم بيفضلوه ولانه في صورتك , ومكتوب بالعربي والانجليزي , اذا كده انت اتختار جواز السفر وكده ايكون عندك 70 نقطه , روح للفئه التالته ب 40 نقطه وهي يكون معاك بطاقه هويه استراليه او بطاقه موظف استراليه او معاك شهاده امتحان ايلتس ويكون فيها بياناتك علي فكره تكلفه امتحان الايلتس 750 جنيه مصري سيبك من الفئه ديه , روح للفئه الرابعه وهي ب25 نقطه , اذا كده لازم يكون معاك حاجنين منها علشان يكونوا ب50نقطه + 70نقطه بتاعت جواز السفر وكده يكون عديت ال100 نقطه , الفئه الرابعه فيها ايه , اقول لك كارد بنك زي الفيزا (25 نقطه) اللي عملتها ورخصه قياده دوليه (25نقطه) , طيب انت معاك رخصه مصريه ,تعمل ايه , روح للاداره العامه للمرور عند جامع رابعه وروح قول انا عاوز شهاده تحريات للرخصه الدوليه , هاتاخذها ببلاش وانت واقف , بعد كده روح لنادي السيارات اللي في وسط البلد في شارع قصر النيل واديهم شهاده التحريات +صوره من الرخصه بتاعتك وادفع 40 جنيه واتسلتم الرخصه بعد ساعه , وخليهم يكتب اسمك بالانجليزي بالضبط حرف حرف زي اللي انت مسجله في جواز السفر وشهاده التخرج بتاعتك . اوعي اوعي اوعي يكون اي حرف من اسمك في الاوراق اللي تقدمها متغير ولو حرف واحد, طيب افرض انت مش معاك رخصه تعمل ايه , في الفئه الرابعه ايضا ممكن تسجيل مزاوله المهنه ب25 نقطه , بس يكون مترجم , علي فكره فيه حاجات كتير في الفئات الاربعه , بس هم مش بيقبلوا من غير الاسترالين غير ده فقط وممكن انت تتاكد وترسل ليهم وتسالهم,

ما هي اهم الاخطاء في الحاجات اللي انا قلتها ؟
علي فكره عند حصول خطا ,لازم تدفع تمن غلطك وهو 110 دولار استرالي!!!!!!!!!!!!!!!!!

بعد كده هاتروح الصفحه الاخيره وهي بتاعت الدفع , والدفع عن طريق اما ماستر كارد او فيزا فقط والرسوم 110 دولار استرالي ( الدولار النهارده ب٤.٨٠ جنيه مصري ) بعد ما يتم الدفع عن طريق النت , اتوصلك رساله في ايميلك وهي applicationبالاضافه لورق فيه الحاجات اللي مطلوبه منك توثقها من السفاره , الورق ايه هو , يعني انت مثلا اخترت جواز السفر , والرخصه وكارد بنك لاثبات الشخصيه, الورق ده مطلوب منك توثقه من السفاره , ازاي , اصبر .
وتلاقي ايه تاني في الورق , هاتلاقي ورقه عباره عن تصريح منك علشان المجلس الطبي الاسترالي يرسل شهادتك الي امريكا الي اتحاد كليات الطب العالميه علشان يتاكد من ان كليتك معترف بيها وعلي فكره اكل كليات طب مصر معترف بها , ومعني ان كليتك معترف بها , مش شرط علشان تمارس المهنه في استراليا , لا هم عاوزين يتاكدوا من كليتك دراستها محترمه شويه,كده خلصنا مرحله التسجيل عن طريق النت , وده ثلث الطريق
بعد ما تسجل في الموقع , هاتجي رساله ليك في ايميلك , عباره عن ملف pdf يتكون من 4 ورقات , الورقه الاولي عباره عن رقمك في المجلس الطبي الاسترالي وبياناتك اللي انت سجلتها والاوراق المطلوبه منك توثقيها في السفاره وعنوانهم اللي اترسل الورق عليه سواء ارسلته ببريد عادي, وعنوان اخر لو ارسلته ببريد خاص زي ارامكس,الورقه التانيه فيها تكتب فيها اسمك وبيانات لك, الورق التالته وهي المهم عباره عن توكيل او تصريح منك ليهم علشان يرسلوا شهادتك لامريكا علشان يتاكدوا من كليتك معترف بيها ولا ( اشرح كل حاجه بالتفصيل) الورقه الرابعه للضرايب وديه تحتفظ بيها عندك او ترسلها مش مهم . وفوق ده كله مطلوب منك ترسل 4 صوره موثقين , انا ارسلت 6 احتياطي. خلي بالك كل ورقه ترسلها او صوره لازم تكون موثقه.
الورقه الاولي :
فيها اسمك اللي انت سجلته وكليتك وسنه تخرجك ورقمك في المجلس الطبي (تحفظه) وفيه الحاجات المطلوبه منك ترسله وتكون موثقه وهي شهادة التخرج (وهي لازم تكون باللغه العربيه ومرفق ترجمه ليها من مكتب ترجمه معتمد ليهم, مش تذاكي وتخلي كليتك طلع شهادتك بالانجليزي ,هم عاوزين الشهاده الي كليتك بطلعها سواء بالعربي او الهندي ولو فيه ترجمه مش يكون من كليتك , يكون من مكتب ترجمه محايد ), والحاجات اللي انت اخترتها علشان اثبات الشخصيه وهي جواز السفر ( بالنسبه لجواز السفر تصور كل صفحتين مع في ورق واحده ( مش وش وظهر )وهم كالاتي الصفحات 2 و3 مع بعضهم في ورقه واحده والصفحات 4 و5 مع بعضهم في ورقه واحده والصفحات 6 و7 مع بعضهم في ورقه واحده , طيب حد يسال ليه ده كله , الصفحات 2 و3 فيها بيانات الجوزار وتاريخ صدوره وانتهاءه , 4 و5 فيه اسمك بالانجليزي والعربي وتاريخ ميلاده وعنوانك وصورتك , الصفحه 7 ليه لان فيها حاجه اسمها توقيع حامل الجواز وديه سيادت لازم توقع في الجواز في الحته ديه ليه لانك في الورقه الثالثه فيها خانه لتوقيعك ولازم يكونوا زي بعض. ده بالنسبه للجواز ) اثبات الشخصيه التاني فيه ناس اختارت الايلتس وده ب 40نقطه تاخذ صوره من النتيجه وتوثقها وفيه ناس اختارت زي الرخصه الدوليه (25نقطه) وبطاقه البنك (25 نقطه) , بالنسبه للرخصه الدوليه تصور الصفحه اللي فيها بياناتك وصورتك بالانجليزي والصفحه اللي فيها اسم الرخصه ونادي السيارات وديه بالفرنساوي والانجليزي, وبالنسبه ل بطاقه البنك تروح تصور وش البطاقه اللي فيها اسمك بالانجليزي وظهر البطاقه علي ورقه واحده مع بعض , يعني الوش فوق والظهر تحتها,
ومطلوب منك تاني 4 صور حديثه مش يكون مر عليها اكتر من سنه وموثقه من السفاره , لما تروح تصور خليهم في ستوديو التصوير يضعه تاريخ علي الصوره , انا ارسلت 6 صور.
ده الورقه الاولي , اما الورقه التانيه فيها بيانات تسجلها وهي اسمك الاول والاوسط واسم العائله وتاريخ ميلادك , كلام كله سهل وواضح ,
الورقة التالثه و هي بتاعت التوكيل , وفيها توقيعك , نظامها ازاي , اتاخذها معك السفاره ومش تكتب فيها اي حاجه , اتعطيها ليهم وهما هايكملوا بياناتها ويخلوك توقع امامهم ولازم لازم يكون توقيعك زي الجواز , الورقه الرابعه مكتوب عليها للاغراض الضريبيه , صراحتها ابا بعتها تاني ليهم, دي الحاجات المطلوبه منك اتروح بيها للسفاره في مركز التجاره العالمي الدور 12 يوميا من الساعه 9 الي الساعه 10.30 صباحا فقط وتوثق , كل التوثيق مجانا ,

بس خذ بالك لو ورقك 10ورقات او زاد مش اتاخذ الورق في نفس اليوم , اتدفع حوالي 40 جنيه لشركه TNTوهي اترسله ليك بعد يوم , يومين , اسبوع انت وحظك , وفرع الشركه ده اتلاقيه موجود في السفاره,بعد كده سيادت عاوز ترسل الورق استراليا , عندك شركات شحن زي fedex / dhl / aramex كلهم باسعار حوالي 300 جنيه تقريبا ويوصلوا في 3 ايام , المبلغ كبير , تعمل ايه , بعد ما تخلص السفاره روح البريد المصري الفرع الرئيسي اللي في العتبه ,تدخل القاعه وترسله , فيه نوعين من البريد سريع وده ب140 جنيه وايوصلك بعد 3 ايام , وفيه بريد مسجل , روح البريد المسجل , وده ايوصل بعد 8 الي 10 ايام ومضمون , بكم , 25 جنيه بس , يا بلاش , ربنا يخلينا الدعم

مرتبات الأطباء في عام ٢٠٠٧

As of today (2007): 1 Australian Dollar = 4.80 LE

* Anesthesiologist: $89,000 to $110,000 a Year Or $1726 week
* Dentist: $40,000 – $100,000 Or $1199 / week
* Dermatologist: $1726 / week
* Emergency Medicine: $1726 / week
* General Medicine: $1500 / week
* Obstetrician + Gynecologist: $1726 / week
* Pediatrician: $1726 / week
* Pathologist: $1726 / week
* Podiatrist: $750 / week
* Psychiatrist: $1726 / week
* Radiologist: $1726 / week
* Specialist Medicine Physician: $1726 / week
* Surgeon: $1726 / week

وده بالدرجة مش بالتخصص
Seniority           Base ($AUD thousand)    Total ($AUD thousand)
Junior Doctor                    $60 – $80                          $75 – $90

Middle Grade                     $70- $90                        $80 – $110

Staff Grade (CMO)               $90 – $130                       $100 – $150

Specialist                          $100 – $250                       $150 – $350

General Practice                     N/A                             $100 – $250

Private Practice                     N/A                      $200 – $500+

.

About these ads

نبذة dr3mro
Just a googler

2 Responses to المعادلة الأسترالية

  1. dr.faiez قال:

    سلام يا DOC
    سواءل لو سمحت
    ازا حصل خطاء في الطلب ازاي اصححو
    ارجو المساعده
    faiezidais@yahoo.com

  2. dr3mro قال:

    انا نقلت الموضوع ده و معنديش معلومات عن كيفية اصلاح الاخطاء لكنني اعتقد انك بتراسلهم عن طريق الموقع و بيطلبو منك غرامة مالية و الله اعلم

تابع

Get every new post delivered to your Inbox.

Join 104 other followers

%d bloggers like this: