Assessment

السلام عليكم و رحمة الله
( س ) هو ايه حكاية ال
assessment

ده ؟
( ج ) ده امتحانات حتتعمل لأمتيازالقصر العيني دفعة 2009 سواء أخدت امتيازك
جوة القصر العيني أو طلعت امتيازك برة القصر العيني أو انت خريج 6 اكتوبر و بتقضي فترة الامتياز هنا …. و شهادة الامتياز من مستشفيات جامعة القاهرة مرتبطة بالنجاح في الامتحانات ده .
( س ) و دول مواعيدهم امتي بقي ؟
( ج ) الامتحان الاول في شهر 8 القادم و يعاد في شهر 10 و يعاد في شهر 12 و يعاد في شهر 2 …… كل امتحان من دول فيه 3 module …. ممكن تدخل module 1 في الامتحان الاول في شهر 8 و module 2 في شهر 10 وال module 3 في شهر 2 …. براحتك خالص .

..

شهر أغسطس

شهر اكتوبر

شهر ديسمبر

شهر فبراير

Module 1

Module 1

Module 1

Module 1

Module 2

Module 2

Module 2

Module 2

Module 3

Module 3

Module 3

Module 3

( س ) طيب ماشي ال Modules ده بقي ايه ؟

( ج ) Module 1 = Surgery + Infection Control

Module 2 = Internal Medicine + Ethics + Communication

Module 3 = Pediatric + EDDD(early detection of dev. Delay)

( س ) طيب انا قررت أدخل شهر 8 القادم module 1 ….. المفروض أعمل ايه ؟

( ج ) تروح علي مكتب الامتياز ( HOT OFFICE ) و تسجل اسمك و رقمك و تاريخ الامتحان و رقم ال module و بعدين تجري علي مكتبة العالمية ( حتلاقيها تحت مبني المدرجات بجوار ال MEDC ) و تطلب حاجة اسمها HOT GUIDELINE بتاع ال module اللي انت داخله —- يعني هيا عندها 3 فولدرات ل 3 modules و حتصور لك الفولدر اللي انت عاوزة . الحجز بدءا من بكرة الأحد 26-7-2009

( س ) فيه ايه البتاع اللي اسمه HOT GUIDELINE ده ؟

( ج ) ده فيه بالنسبة للباطنة و الجراحة و الأطفال أسماء المواضيع اللي طبيب الامتياز مطل بأنه يكون عنده فكرة عنها و هيا اللي حيكون ال assessment فيها و ليس خارجها . و مطلوب منك انك تقرأ عنها في أي كتاب او مرجع او ع النت او حتي من كتب ساتة …. ده تدريب لتحضير مرور كما في النيابة و متخافش أغلب المواضيع هيا الحاجات الشائعة اللي بتتعامل معاها يوميا

اما مكافحة العدوي و اخلاقيات مهنة الطب و الاكتشاف المبكر و التواصل ففيه ال curriculum اللي حضرتك مطالب انك تعرفه و هو عبارة عن مواضيع كاملة و مشروحة و ليست فقط عناوين زي اللي قبلها

( س ) طيب الامتحان فين و مدته و عبارة عن ايه ؟

( ج ) المكان هو MEDNET بجانب مكتب العميد …. و الامتحان 20 دقيقة علي جهاز كمبيوتر ….. و هو فقط MCQ أو Extended Match

( س ) طيب لنفرض اني دخلت الامتحان شهر أغسطس و لا قدر الله لم أنجح ؟

( ج ) ليك فرصة تانية في الامتحان اللي بعده شهر 10 او اللي بعده شهر 12 او حتي اللي بعده شهر 2 …. علشان كده حاول تدخل بدري بدري علشان ما تزنقش نفسك لاخر مرة و تقول يا ريتني و بالمناسبة الامتحان الاول بيبقي غالبا سهل موت

( س ) طيب المناهج ده ممكن يحصل فيها تغيير او أي اشي ؟

( ج ) طبعا ال feedback حيبقي مهم جدا للجنة الامتياز علشان تعدل سواء تضيف أو تحذف أو تغير حاجة بس طبعا حنقول قبلها سواء في أماكن الامضاء او ع النت و اللي حينزل كله من الجديد للقديم حيبقي في المكتبة اياها ( مكتبة العالمية ) فيرجي برضه انك تتابع معاها أول ب أول و هي عندها تعليمات انها تبلغ السادة الأطباء بالجديد و متصورش الا اخر نسخة احنا وفرنا ليها

أي استفسار تاني …. مكتب الامتياز او الميل amrziz@hotmail.com او علي الموبايل 010-162-99-52

عـــــــــــــــــــمرو عبد العزيز


نبذة dr3mro
Just a googler

2 Responses to Assessment

  1. Anonymous قال:

    شكرا جدااا على المعلومات والشرح التفصيلى وسلاااااااااام عليكم ورحمتة وبركاتة

  2. Anonymous قال:

    شكرااااااا على المجهود ولو ممكن اميل بالياهو وشكراااا

%d مدونون معجبون بهذه: