أنفلونزا الخنازير – طاعون القرن الحادي و العشرين

طبعا إنتشرت في الأونة الأخيرة إشاعات عن اللقاح و الجهل بالوضع جعل أغلب الناس مؤيد لمقاطعة حملة التطعيم و هقولكم رأيي الصريح في الموضوع ده . أولا لازم إننا نلغي تمام إحتمالية وجود فيروس تاني باللقاح و ان اللقاح يكون ملوث لسبب وجيه أنه مش مصنع في مزرعة من حيوان زي ما كان تم في لقاح “Salk” الخاص بشلل الأطفال و في كلام بأدلة أن القردة اللي تم فيها زرع لقاح شلل الأطفال في الخمسينيات كانت مصابة بفيروس الإيدز و من هنا جاء الإيدز للعالم .لقاح أنفلونزا الخنازير بيتم فيه زرع الفيروس في البيض و بالتالي منخافش خالص من فيروس تاني . لكن نخاف من الناس اللي عندهم حساسية حقيقية من البيض ممن يصابو ب “Anaphylactic Shock ” وده حصل في ٢٤ حالة في كندا من شهرين.بالنسبة لنقطة “الشلل” أو ما إنتشر بالمستشفى من أشاعة أنه بيصيب بالشلل هقول من بحثي بالموضوع ده لقيت إن اللقاح الخاص بالانفلونزا الموسمية نفسه يصيب بمتلازمة جيليان باري أو “Gillian Barre Syndrome ” لكن في ١٢ حالة في العالم بس حصل ليها ده من ضمن ملايين الأشخاص اللي تم تطعيمهم . و بعدين متلازمة جيليان باري نسبة الشفاء منها ٨٥٪.و بالنسبة لإشاعة السرطان … أولا محدش يعرف ال “Eitiology” السرطان لحد النهاردة  و كلة نظريات و أبحاث و في حاجة إسمها Chronic Exposure  و حدش من جرعة واحدة بيصاب بالسرطان إلا كان البشر أنقرضو … و الواقع أن كل ثانية بتظهر في جسمنا خلية سرطانية لكن الجهاز المناعي بيهاجمها علي طول لكن المصابين بالسرطان دوما بيصابو بخلل مناعي و ده بيفسر ليه مرضى نقص المناعة بيصابو بالسرطانات.أما بالنسبة لنكتة ال Sub fertility دي بقى نكتة جامدة جدا و متستحقش الرد أصلا.طيب بالنسبة لفاعلية اللقاح ؟؟؟ اللقاح فعال في ٥٥٪ من الحالات – دي دراسة – يعني تقريبا نص اللي هياخدو التطعيم هيكونو عرضة للفيروس – لكن في ميزة تانية أنهم هيكونو محممين من تحورات الفيروس إن شاء الله و إحتمال كمان من فيروسات أنفلونزا أخرى- طيب على رأي المثل مفيش دخان من غير نار ؟؟؟ موضوع الإشاعات دي منين .. هقولكم رأي الخاص برضه🙂 . بالنسبة لموضوع التطعيم إن يتم تطعيم ٦ مليار شخص في خلال أشهر الصيف ده شيء مستحيل ؟؟ و لو كان قالو إن اللقاح آمن أولا مش هيكون في جرعات كفاية بل و ممكن تقوم نزاعات على اللقاح بين الدول و في داخل الدول من الخوف الغير مبرر من الفيروس الأهبل ده مع إحترامي لمملكة الفيروسات هو السبب و الحملة الإعلامية الهوجاء لعبت دور كبير إلا أننى أرى إن السبب كان نوع من تقليل الطلب على الطعم مش أكتر . و إلا ماكنتش أمريكا من أوائل الدول إللي قامت بتطعيم أطفالها .. فياريت كل واحد يحسبها في دماغه كده

نبذة dr3mro
Just a googler

3 Responses to أنفلونزا الخنازير – طاعون القرن الحادي و العشرين

  1. نورانيوم قال:

    مشكور أخي الجليل . وأسأل الله أن يحفظني وإياكم ويحفظ كل البشر من شر هذا الفيروس وغيره .
    وبخصوص المصطلحات الطبية فأنا أعرف أنها أمر حتمي ولابد من ذكرها ، لكن يا جماعة الخير يا ريت تكلمونا الكلام الشعبي اللذيذ إللي إحنا بنفهمه .

    جزاكم الله خيرا .

  2. dr3mro قال:

    مشكور على النقد البناء و لكن هذه مدونة لأطباء و لو في شىء مش مفهموم ممكن نشرحه و أهلا بك في أي وقت
    eitiology = العوامل المؤدية للمرض و كيفية حدوثه
    chronic exposure = التعرض المزمن
    sub fertlity = نقص الخصوبة
    anaphylactic shock = هبوط حاد في الدورة الدموية و فقدان وعي ناتج عن حساسية لمادة ما

  3. نورانيوم قال:

    شكرا على الإيضاحات . جزاكم الله خيرا وأعانكم وحفظنا وإياكم . مدونة قيمة ربنا يوفقكم .

%d مدونون معجبون بهذه: