ازاى تعيش فى نعيم فى جحيم التكليف

الموضوع منقول من الجروب

مساء الخير اخوانا بتوع الجروب الموضوع ده هنوضح فيه بعض النقاط اللى قد تكون غايبه عن حد مننا هى قوانين بتنظم العمل عشان ميجيش مدير اداره يعمل مفتح ويشتغلك لازم تكون عارف حقوقك كويس والموضوع ده بالتعاون مع الدكتور ايهاب حلمى الخبير القانونى بتاعنا فى فارسكور .

اولا مفيش حاجه اسمها انهاء خدمه فى التكليف واحد يطلع يقولى يعنى ايه اقولك يسيدى الطبيعى ان اى موظف ينقطع عن العمل خمس ايام يعنى ميرحش الشغل يبعتوله انذار اول وتانى خمس ايام انذار تانى وبعد خمس ايام كمان لو مجاش قدم اجازه او عذر يعرض على لجنه لفصله فى التكليف باه لااااااااا مينفعش تتفصل يعنى لو غبت 15 يوم من غير عذر كبيرهم هيحولوك للشؤن القانونيه وتاخدلك يومين جزا ولا حاجه فاى حد مدير ادارته قارفه ممكن يعمل كده

ثانيا الجزاءات اللى عليك بتقدم طلب محو فى خلال 6 شهور وبتتشال يعنى كل اللى هتاثر بيه انها خصم من المرتب وخلاص بس خلى بالك لو ليك نيابه لازم يكون تقريرك السرى مش اقل من 90 فى الميه عشان تحضر على حساب الحكومه والتقرير ده بيتحط فى شهر 12 وممكن تتظلم عليه بعد علمك بيه

ثالثا لو عندك مدير اداره رخم ومغتت عليك تقوم باعت تلغراف للوحده اللى انت شغال فيها انك مريض وبعدكده المفروض هيعملولك عرض على لجنه طبيه تقوم انت تشتكى من اى حاجه مش هتظهر زى الم فى اسفل الضهر انزلاق اى حاجه من الحاجات دى ياما عادى كان عندى اى حاجه وفى حاله عدم موافقه الكومسيون على الاجازه هتاخد برضه يويمن جزا وخصم وترجع لاول نقطه وممكن تبلغ عدد غير محدود من الاجازات المرضى وتشتغله فى الازرق

رابعا لو ليك تحقيق وعارف طبعا ان بتوع الشؤن بيجاملوا سياده المدير من حقك ترفض التحقيق وتحويله للنيابه الاداريه لانك لديم اقوال سريه لن تقولها الا امام النيابه وطبعا هما مبيحبوش يروحوا النيابه فبكده تضربلهم التحقيق بتاعهم ولو ر حت النيابه مش هتاخد حاجه لانهم بيتعاطفوا مع الدكاتره

لا ينوب عن طبيب إلا طبيب مثله و لا ينوب عن ممرضه إلا ممرضه مثلها

ماينفعش مدير الإدارة يوكل ممرضه بالنيابة عنه إلا إذا كان هو في قرارة نفسه عارف أنه زيه زي الممرضه اللي باعتها و بكده يا حلو يبقى برضه الممرضة ماتشطبش على الطبيب لو أنطبقت السما على الأرض يعني نفترض مثلا إن مدير الإدارة بعت لكم في يوم عامل من الإدارة يتمم على الأطباء يبقى من حقه أنه يشطب … لا و اللي يفطس من الضحك كمان إن فيه وحدات بينزل فيها بتوع المجلس المحلي بيشطبوا في الدفتر  أهو ده اللي ناقص و بتوع المجلس المحلي دول أصلا ممكن يكونوا عمال أو ماعهمش شهادات أو دبلومات و تخيل أنت بقى

ممنوع منعا باتا أي حد يشطب على الطبيب إلا طبيب …… لو مدير الإدارة بعت ممرضه تفتش ممنوع تشطب في الدفتر نهائي على الأطباء . كون مدير الإدارة عملها نيابة عنه فده مش معناه إنه أداها بكالوريوس الطب و الجراحة لو ممرضة شطبت على الطبيب من حق الطبيب رفع شكوى مباشرة للجهات الأعلى بعيد عن الإدارة تماما و يشتكي فيها اللي شطب و مدير الإدارة كمان

اللي بينوب عن حد لازم يكون في نفس مستواه العلمي

كل الوحدات و مستشفيات التكامل سيتم تقييمها طبقا للقرار 75 و ماتسألونيش ليه 75 و مش 73 لأن دي أمور ماتهمناش الوقتي القرار ده بيقول أيه أنا أقولكم اللي يهمنا منه بيقولك بالنسبة للتقييم فإن تقييم الوحدة يتم توزيعه على الطبيب الأول و الثاني فقط ” طبيبين فقط من الوحدة ” أما بالنسبة لمستشفى التكامل فالتقييم بياخده 6 أطباء الطبيب الثالث و الرابع و العاشر في الوحدة مالوش تقييم و بالتالي حضوره الرسمي من الساعة 8 صباحا و حتى الساعة 2 ظهرا و تقول سلامو عليكم و ليس لك أي نوبتجية و لا بتاع و نفس الكلام في المستشفى للأطباء اللي خارج التقييم خلو باكم من اللي جاي ده بقى

أي حد سواء طبيب أول أو ثاني هاياخد نبتجية له حاجه أسمها بدل نبوتجية و دي خارج موضوع التقييم ده تماما و مالهاش دعوة بيه

اللي بيبات في الوحدة يطالب ببدل نبتجياته لأن فيه إدارات بتستغفل الأطباء و تقولهم كفاية عليكم التقييم و ده مش قانوني لو مدير الإدارة قالك انت تيجي تبات في الوحدة لمدة أسبوعين و تروح يوم الخميس بالليل و ترجع يوم الجمعة بالليل كل أسبوعين أعملوا معاه زي أنا ما عملت ” طرقعولوه على طول ” و ماتسكتوش القانون بيقولك يا باشا أنت ليك كل يوم 6 ساعات عمل و لو أخذت نوبتجية 24 ساعة فمن حقك راحة 48 ساعة بعدها . و ده مش أنا اللي باقوله ده قانون و معروف و لو مدير الإدارة قالك أهو مكتوب الوحدة تتغطى 24 ساعة قوله ده مش معناه إنك هاتقعد أسبوعين في الوحدة . و يعني بالعقل كده هما هايستعبدونا بال 320 جنيه دول ؟!!! تعالو نحسبها كده لو أنت اشتغلت 28 يوم في الشهر و قعدتهم كلهم في الوحدة على مزاج مدير الإدارة يا ترى الساعة هاتقف عليك بكام؟ سهلة تعالى نحسبها مع بعض اليوم فيه 24 ساعة و أنت هاتقعد 28 يوم متواصلة المفروض يعني 672 ساعة ف الشهر يعني الساعة تقف علينا بحوالي 48 قرش يعني أقل من نص جنيه ههههههه ده لو أنت جبت سباك و لا نجار و لا عامل نظافة لمدة ساعتين عندك مش هاياخد أقل من 30 جنيه مافيش حاجه خالص أسمها دفتر الحضور و الانصراف عهدة الكاتب

الدفتر ده مسؤلية مدير الوحدة ” الطبيب الأول ” و هو الوحيد في الوحدة اللي من حقه إنه يشطب على اللي مايجيش و زوقيا المفروض مايشطبش على زمايله

و لكن الطبيب الأول فعلا مسؤلياته كبيرة جدا فممكن يوكل الدفتر لأي حد من زملاءه الأطباء و ليس التمريض و لا الكاتب لو انت الطبيب الأول أطلب الدفتر من الكاتب و خليه عندك الكاتب وظيفته يكتب شهادات الميلاد و الوفاه و يقطع التذاكر التشطيب ده مش من وظيفته

لو شطب عليك روح قوله مين اللي شطب هو طبعا مش هايكون عنده الجرأه إنه يقولك إن هو اللي شطب هايقولك الطبيب الأول اللي شطب بكل بساطة طلع قلمك الباركر و شطب باقي الأسبوع على الطبيب الأول و اللي يحصل يحصل طبعا مدير الإدارة جايز يبعت لك خوش فيه شمال و قوله هو بيشطب عليا ليه أنا زيي زيه و بس

بالنسبة لحضرتك لو غبت 3 أيام متواصلة هايتخصم منك نص الحافز و لو غبت 7 ايام في الشهر هايتخصم كله  أما التقييم و ده اللي عايز أنا أوضحه التقييم بيجي على المستشفى و مالوش دعوة بغيابك و لا حضورك يعني مثلا يقولوا المستشفى دي تقييمها الشهر ده 200 % ده معناه مباشرة يتم صرف حافز 200 % للأطباء الست الأوائل بالمستشفى و ده مالوش أي دعوه بالحافز اللي بنقبضه مع الراتب يعني التقييم ده حاجة لواحدها و ماتخليش حد يضحك عليك و يقولك أنت كنت غايب أو كنت مزوغ أو متشطب عليك …. التقييم ده زي ماقولت تقييم للوحدة أو المستشفى كلها و ليس تقييم للأفراد و بالتأكيد أنت روحت أو حتى لو ماكنتش بتروح خالص و بتروح على القبض فمن حقك مادمت من الأطباء ال 6 الأوائل في المستشفى أنك تاخد تقييمك

اللي بيصرف التقييم طبقا للقرار 75 هما كالتالي  يكون الحد الأقصى للفئات بوحدات الرعاية الأساسية المستفيدة من هذه اللائحة على النحو التالى :

  1. عدد ( 2 ) طبيب للوحدة الريفية و المجموعة الصحية .
  2. عدد ( 6 ) أطباء بمراكز رعاية الأمومة والطفولة ، و المراكز الحضرية ، الرعاية الأساسية بمستشفيات التكامل بجميع المحافظات .
  3. عدد ( 10) أطباء بالمراكز الصحية فى محافظات القاهرة ، الجيزة ، الأسكندرية .
  4. عدد ( 3 ) أخصائى و مساعد أخصائى بوحدات ومراكز الرعاية الأساسية و مستشفيات التكامل بجميع المحافظات .
  5. عدد ( 2 ) طبيب أسنان لكل وحدة صحية أو مركز رعاية أمومة وطفولة أو مركز صحى حضرى أو مستشفى تكامل .
  6. عدد صيدلى واحد لكل وحدة صحية أو مركز رعاية أمومة وطفولة أو مركز صحى حضرى أو مستشفى تكامل .
  7. عدد ( 8 ) ممرضات للوحدة الريفية وعدد (15) ممرضة للمركز

بالنسبة للحافز هو كان 25 % و الوقتي بقى 75% بعد ما تم إضافة المحليات و الحافز ده المفروض مالوش دعوة بالتقييم . يعني المفروض انت تقبض مرتبك + العلاوة ال 30% + الحوافز ال 75% و بعد كده لما يجي التقييم تاخده و الحوافز ملهاش وقت ثابت بمعنى أنهم بيعملوها لواحدها من غير المرتب و المفروض أنك تسأل عنها في المديرية يعني تقولهم حافز شهر 3 نزل؟ طيب حافز 4 و هكذا

بالنسبة لل 48 % بتاعت صندوق تحسين الخدمة فدي مش للطبيب الأول بس … القرار 75 بيقول أنها بتتوزع على كل من شارك في العملية الطبية مع مراعاة الجهد الذي يبذله كل فرد يعني لو حضرتك بتكشف على الحالات يبقى لك نسبة كمان بيدخل معاك فيها الكاتب و الممرضات

الإعلانات

التظلمات فتحت على موقع التكليف ياشباب

التظلمات فتحت علي موقع التكليف فيها 3 بنود

  • سماح مجموع
  • مرضي
  • أخري أو تبديل
ودا معناه ان فيه تبديل ان شاء الله  وربنا يكرم الجميع
الرابط

http://www.mhealthy.cu.edu.eg

ماتستعجلوش ف حفظ التظلمات لسا قدامكم 15 يوم كاملين
وربنا يوفق الجميع

نتيجة التكليف

أولا أحب أعتذر للتأخير لكني كنت في القاهرة و مكنش معايا ال laptop و لا كنت فاضي أدخل نت ,المهم النتيجة بتاعة التكليف ظهرت و رفعتها علي أكتر من موقع و الرابط

ثانيا مرفق بالنتيجة نتيجة أخرى مرتبه حسب الادارة بحيث كل واحد يعرف مين معاه في نفس الادراة أو المحافظة

ثالثا مرفق بها أيضا الحد الأدنى للادارت و الجهات الخارجية

تعلن نقابة أطباء مصر عن إستقبالها للدفعة الجديدة من الأطباء خريجى دفعة 2008

تعلن نقابة أطباء مصر عن إستقبالها للدفعة الجديدة من الأطباء خريجى دفعة 2008 وتبدا أعمال التسجيل فى الفترة 1/3/2010 الى 18/3/2010

خطوات القيد بالنقابة العامة  للأطباء الجدد مختصرة:

  1. سداد الرسوم بالنقابة وإستلام إيصال.
  2. التقديم للوزارة لإستخراج ترخيص المزاولة .
  3. تقديم ترخيص المزاولة للنقابة وإستخراج كارنيه.

خطوات القيد بالنقابة العامة للأطباء الجدد  التفصيلية:
قدم الاوراق التالية :

  1. طلب قيد بالجدول العام “يوزع مجاناً بالإستعلامات” . يمكنك تحميله و طباعته من هنا
  2. شهادة التخرج المؤقتة( نسخة أصلية )
  3. شهادة قضاء سنة إمتياز ( نسخة أصلية )
  4. الفيش والتشبيه (صحيفة الحالة الجنائية ).
  5. صورة بطاقة الرقم القومي .
  6. صورة من شهادة الميلاد.
  7. عدد 3 صورة فوتوغرافية (مع مراعاة الترتيب السابق )
  8. سدد 100.75  جنيه بالخزينة.
  9. واستلم إيصال سداد رسم القيد بالنقابة .

خطوات ترخيص مزاولة المهنة  ( بوزارة الصحة ):

توجه  الي  إدارة التراخيص وسلم الاوراق التالية :

  1. طلب إستخراج مزاولة المهنة .يمكنك تحميله و طباعته من هنا
  2. شهادة الامتياز الاصلية .
  3. عدد 4 صور.
  4. إيصال سداد رسم القيد
  5. شهادة التخرج المؤقتة
  6. الدوسيه والدمغة تباع بالإستعلامات .
  7. شهادة المعاملة العسكرية ( نسخة أصلية ولا تقبل الصور).
  8. صورة بطاقة الرقم القومي .
  9. إستخراج كارنيه النقابة (بالنقابة العامة للأطباء )

يسلم الطبيب الاوراق التالية لأستخرج الكارنيه .

  1. صورة شخصية .
  2. ترخيص مزاولة المهنة .
  3. يسلم الكارنيه في الاحتفال الذي سيقام بمقر النقابة عقب آداء القسم

مواعيد القيد لدفعة ديسمبر 2008

م         اسم الجامعة                                              يوم                                  التاريخ
1     جامعة الازهر ( بنات )                            الاثنين والثلاثاء                   من  1/3  إلى 2/3
2     جامعة الازهر ( بنين )                            الاربعاء والخميس                من 3/3  إلى 4/3
3     جامعة عين شمس(بنين -بنات)             من السبت الي الاثنين         من  6/3  إلى 8/3
4     جامعة القاهرة (بنين -بنات)                   من الثلاثاء الي الخميس       من  9/3 إلى 11/3
5     المتأخرين فى تقديم طلبات التسجيل     من السبت حتي الخميس    من 13/3 إلى 18/3

ملحوظة :
طلاب الطب من المحافظات المختلفة غير القاهرة يتوجهون الي مندوب النقابة العامة بمقر النقابة الفرعية بالمحافظة

معلومة هامة بالنسبة للموقف من التجنيد

احنا كلنا معمول لينا تأجيل لحد نهاية فبراير ,وعلشان نجيب الموقف من التجنيد بناخد شهادة الامتياز أول مانطلعها وكل واحد يروح منطقة تجنيده بيها ويطلعوله موقفه من التجنيد مؤجل لحين الكشف

مؤتمر الإمتياز و ماذا بعد ؟؟

معلومة هامة

أنا كنت في القاهرة النهاردة و دي معلومات جديدة و مهمة
الأولى : اللي محضرش أيام علمية خالص يقدم طلب لدكتور هشام عامر و هو يعفيه من الحضور و ده للي في وزارة الصحة في محافظات بعيدة مش للي في القاهرة
الثانية : اللي محضرش دورات ال LRC ميخافش على طول يمش في الاجراءات بتاعة الوزراة و تصريح مزاولة المهنة و بالوصل اللي دفع بيه هيحضر الكورس اللي فاته أثناء التكليف عادي علشان ميتناش و يضيع عليه التكليف

الثالثة : هتروحوا شئون الأطباء في الدور الرابع و تقدموا طلب شهادة الامتياز و تاخدو اذن دفع للبنات ٥٠ جنيه و الأولاد ٦٠ جنيه و تسلمو الوصل مع الطلب و تاخدو رقم تكتبوه في ال LOG BOOK